Compostaxe comunitaria
En Tomiño hai instalados 14 centros de compostaxe comunitaria, que dan servizo ás vivendas que se atopan nos núcleos urbanos das parroquias de Tomiño e Goián e que non dispoñen dun espazo exterior no que poder instalar un composteiro individual. Ademais, tamén conta cun centro de compostaxe comunitaria no CEP Pedro Caselles e outro que dá servizo ao Mercado Municipal de Tomiño.
Cada Centro de Compostaxe ten asociado un número de vivendas determinadas, polo que os mestres e mestras composteiras estiveron visitando cada edificio dos nucleos urbanos de Goian e de Seixo, informando sobre como usar o composteiro e entregando un caldeiro para facilitar a separación na vivenda.
Se aínda non tes o teu caldeiro ou tes dúbidas sobre cal é o teu centro de compostaxe consulta no concello no departamento de medioambiente.
- Faga clic na súa casa para saber que centro de compostaxe lle corresponde
Estes centros de compostaxe comunitaria son supervisados por mestras e mestres composteiros que velan para que o proceso se desenvolva de maneira axeitada, vixiando a humidade, a temperatura e a aireación do proceso para aumentar a calidade do compost final. Ademais son as persoas encargadas que resolver as dúbidas da veciñanza.
O compost que se produce nos centros de compostaxe comunitaria serán para a veciñanza que participa no plan ou para a mellora dos xardíns municipais.
Como utilizar o servizo de
compostaxe comunitaria?
- Separa o lixo orgánico na casa no caldeiro
- Verte o lixo orgánico sen bolsa no módulo de aportación (o que está sen candado)
- Cubre os restos orgánicos co triturado existente no caixón de estruturante
- Pecha a tapa do módulo de aportación
As mestras e mestres composteiros informan porta a porta á veciñanza cando se abre ao público cada centro de compostaxe comunitaria e fan entrega dun pequeno caldeiro que podes empregar para realizar as túas achegas aos módulos de compostaxe comunitaria.
Se o centro de compostaxe comunitaria da túa zona xa foi inaugurado e non recibiches o aviso, podes poñerte en contacto co departamento de medio ambiente no número de teléfono 986 62 20 01 para resolver dúbidas e que che fagan entrega do colector.