Compostaxe individual

Se a túa vivenda conta cun espazo exterior onde instalar un composteiro, estás de noraboa: podes participar no programa municipal de compostaxe individual. Grazas a este programa poderás reciclar in situ os restos orgánicos xerados no teu domicilio.

Estamos traballando para facilitarlle a compostaxe a toda a veciñanza.

Como o facemos?

1ª Fase – Entrega do pack de compostaxe

Durante 2020 e 2021, persoal técnico en compostaxe da Deputación de Pontevedra visitou porta a porta as vivendas das 15 parroquias do Concello para facer entrega do pack de compostaxe, composto por: un composteiro individual, un aireador, un termómetro e un manual de compostaxe.

2ª Fase – Seguimento:

Co fin de axudar aos veciños e veciñas coa compostaxe, a cesión do composteiro ten asociada una serie de visitas de seguimento despois da súa entrega.

Estes traballos de seguimento estanse a realizar dende novembro do 2021 e desenvolveranse ata 2023. Os técnicos visitan as vivendas das 15 parroquias do Concello para resolver as dúbidas e asesorar aos veciños e veciñas no proceso de compostaxe.

Solicita o teu composteiro!

A Deputación de Pontevedra coa colaboración do Concello de Tomiño está a realizar reunións informativas e/ou entregas directamente na vivenda. Así que, se aínda non tes o teu composteiro, contacta directamente co persoal técnico.

Teléfono do persoal técnico (SM Sistemas Medioambientais):

608 695 627

Correos do persoal técnico:

Sabrina: saldao@sistemasmedioambientales.com

Ramón: rabal@sistemasmedioambientales.com

Ou directamente no teléfono do concello

986 60 20 03

Como realizar a compostaxe individual?

Reproducir vídeo

Lembra que se tes calquera dúbida o Concello conta con persoal que pode asesorarte sobre todo o proceso de compostaxe.